82仇恨的终结（1 / 2）

事情发展飞快，上百个食屍鬼守卫在发哥和食屍鬼之父的带领下手持重装备，把欣澳重重包围，更扬言要攻打欣澳．．．．．．就在千钧一发际．．．

「戆鸠。」阿宝突然说

此言一出，众人也都目瞪口呆，不知应该如何反应．．．特别是发哥．．．

阿宝续说：「听流主讲话你系孖根嘅好朋友，仲以为一定系啲咩不得了嘅人物，原来都系一条戆鸠仔。」

「你话我戆鸠！？」发哥火冒三丈，更举枪指着阿宝

「大话都唔识讲，你话你戆唔戆鸠？」阿宝毫不忌讳说：「孖根如果真系去行刺食屍鬼之父，又点会无啦啦炸左你间屋？你同食屍鬼之父一齐住嘅咩？」

「呃．．．．．．」发哥一时间无言以对

阿宝乘胜追击：「即系唔系话唔b你讲大话呀，但系你可唔可以认真少少讲，唔好咁求其呢？」

发哥恼羞成怒：「我就杀左你先！」

「杀我即系我无讲错啦。」阿宝立刻说

「你．．．」发哥反应不来

阿宝知道已经控制了情况，续开始借机讽刺其他食屍鬼：「你唔尊重自己个脑，都尊重下人地个脑啦！系你啲所谓兄弟姊妹先咁蠢会信晒你讲嘢。」

内容未完，下一页继续阅读 </p>其他食屍鬼果然都激动起来：「我地．．．我地几时有信晒佢呀！我地系讲证据！」「我地先无咁蠢！」「唔．．．唔使你讲，我地都知有古怪啦！」「嗱发哥．．．唔系话唔撑你呀，但系你真系要解释下．．．」

「大家冷静啲先．．．」发哥被群众你一言我一语的问得不知所措

乞丐看来也是聪明人，他趁乱走出来指证说：「其实之前欣澳医院有辐S单嘢都系佢Ga0出嚟架！我亲眼睇住依条仆街痴旧嘢喺医院入面，之後医院就开始有辐S啦！」

「唔系挂！？」「系真唔系呀．．．」「咁话唔定啲瘟疫都关佢事喎．．．」「使唔使咁无良呀．．．」人类那边也开始鼓噪

「哼．．．乞儿讲嘢你地都好信！」发哥焦急起来，只有出言中伤对手

流主放声责骂：「根本成件事都系你一手一脚Ga0出嚟！你用隐形装甲暗杀其他食屍鬼，之後再嫁祸b欣澳嘅居民，目的就系想挑起民愤，激发其他食屍鬼同食屍鬼之父出兵铲除欣澳！！」

「哼！无证无据，你话我识飞都得架啦！我有咩理由要铲除欣澳？？」发哥齿口否认

「理由只得一个！就系你对你老婆嘅Si仍然怀恨在心！！你够胆当住咁多乡土嘅兄弟姊妹面前唔认咩！？」流主指着发哥说

食屍鬼之父开始怀疑：「发哥，你真系要好好解释。」

「老豆你唔好听佢地讲！」发哥垂Si挣扎：「我．．．我系有怀恨在心，但系依班人类系抵Si架！！」

锁匙萱也搭嘴说：「咁即系你认认啦！」

「我．．．」发哥仍然Si撑：「我怀恨在心唔等於我会杀Si乡土嘅兄弟姊妹同陷害欣澳嘅居民！！」