02来自过去（2 / 2）

「嗯，依度唔错。」男人放下他的行李，让他的机械人把风，然後便在地上随便用一些可燃烧的杂物生火：「不如你讲下你发生左咩事？」

流主坐在营火前，一边喝着男人给他喝的饮料，一边把自己目前所知的事情告诉男人。

「啊．．．所以你就咩都唔知．．．」男人一边烤着变种甴曱r0U一边说

「我唯一有嘅线索，就系依封信．．．」流主把从奇怪装置找到的信给男人看

男人看了一看，点一点头说：「．．．如果封信唔系假，又唔系玩嘢．．．应该就系一个叫做尚嘅人喺200年前写落嘅．．．」

内容未完，下一页继续阅读 </p>「200年前！？」流主惊讶得双眼都睁大，一时间不懂如何反应：「咁．．．吓．．．」

「封信写住2077年，宜家系2277年．．．我估，你可能系200年前嘅人。」男人大胆假设

「我．．．系200年前嘅人．．．？」流主不敢相信

男人把信还给流主，说：「你所讲嘅奇怪装置，如果我无估错，应该系一部雪藏装置。起码．．．我唔信系时光机罗。」

流主想了一下：「即系我喺2077年b人雪藏左，然後200年後嘅今日先醒返？」

男人笑说：「你都唔蠢喎，一点就明。」他接着看着流主的哔哔小子说：「嗱，封信讲嘅伊甸园创造器我就未听过，但系哔哔小子我就听过啦。英文名即系，亦即系个人资讯处理器，系美国200年前一间科技公司嘅产品。因为我家族传落嚟都系电子工程师，所以略知一二。」

「咁．．．究竟个世界发生左咩事？依200年发生左咩事？」流主问

「历史嘅嘢我无咩研究．．．不过我可以话，平时出嚟行走要小心啲，唔系个个都好似我咁咁好人救你架．．．外面咩人都有，杀人放火、偷呃拐骗都唔系咩新鲜嘢。」男人喝一口水续说：「但系最要小心系有组织嘅人，你永远唔会知佢地背後有几多同党同有啲咩嘢撑腰。」

流主看一看四周问：「即系依度．．．宜家系无政府状态？」

男人摇头说：「又唔系嘅．．．政府系有，不过同无都无咩分别。佢地口讲系政府，但系根本咩都无做过．．．唔知系做唔到定无心做啦．．．总之，都系靠自己啦。」

内容未完，下一页继续阅读 </p>「．．．．．．」流主没有回应，一时间太多资讯需要消化

「如果你想知多啲嘅，我谂你去「葵芳」睇睇啦。一直向北行，天黑前就到。嗰度都唔算少人住，而且有唔少商人来往，佢地可能知道多啲。」男人说

「．．．嗯，多谢你讲咁多嘢b我知。」流主向男人致谢说

「其他嘢我就帮唔到你啦，最多我教下你点用你部哔哔小子啦。当系多谢你「带」咁多嘢食b我！」男人笑说，并递给流主一块烤好了的变种甴曱r0U．．．

因为流主实在是太饥饿了，他接过了这块既油腻又恶心的变种甴曱r0U，虽然一脸勉强，但仍然闭起眼咬下去．．．

「．．．咦！又几好食喎！」流主接着多咬几口：「．．．几爽脆喎！又多汁！」

「哈哈哈！系咪好正呢！烧变种甴甲系我至Ai！」男人也大口大口地吃着

「系呢，最後，我想问．．．边度系「香港」呀？」流主问

男人听了，轻轻笑了一下，说：「依个烂鬼城市，咪就系香港罗。」

【本章阅读完毕，更多请搜索书梦空间 http://www.shumkj.cc 阅读更多精彩小说】 </p>